El nuevu operador de telefonía entama’l so procesu d’espansión a nivel asturianu.

Pa ello van abrir nuevos puntos de venta en Castrillón, Corvera, Noreña y les Cuenques Mineres amás de les sos oficines centrales que tán nel Centru d’Empreses La Curtidora n’Avilés.

Unu de los oxetivos de la OMV ye vertebrar la so Rede nos conceyos pa ello tienen un plan de negociu curiosu sofitáu por comercios llocales yá esistentes. “Queremos apurrir cola nuesa propuesta un beneficiu al pequenu comerciu, tou suma” declaró Xicu Matu, co-fundador de Nordés.

Amás “yá roblamos alcuerdos de collaboración con asociaciones d’autónomos, una cooperativa del sector eléctricu y asociaciones culturales” comenta Félix Fernández, sociu y co-fundador de Nordés Móvil.

Pero nun acaba equí’l procesu, dende Nordés comenten que nes próximes selmanes van anunciar nuevos productos y servicios nos que tán trabayando anguaño y esperen perfilalos antes de la llegada del branu “Les propuestes nes que tamos trabayando son demandes de los nuesos veceros
d’una primer encuesta que realizamos a finales del añu pasáu” comenta Mata.

Área de Prensa: TFNOS: 984 095 451 / 621 260 575 / 693 775 525 www.nordesmovil.com