¿Qué cobertura tien Nordés?

En Nordés trabayamos con tripe cobertura, ello ye cobertura Orange/Yoigo son soporte de Movistar si les dos primeres nun tienen cobertura. En tarifes antigües tamién tenemos clientes con cobertura Movistar, Vodafone o Orange.

¿Cómo me doi d’alta en Nordés?

Ye percenciello, solu ties qu’entrar na nuesa web, escoyer tarifa y enllenar el formulariu o pasar polos nuesos Puntos de Venta. Tamién pues contautanos per corréu lletrónicu (info@nordesmovil.com) o per redes sociales.

¿Cuánto tarda en facese la portabilidá a Nordés?

Si quies vinir a Nordés, dende que te llega la tarxeta SIM y nos confirmes que la tienes, en 48-72 hores ya sedrás de Nordés.

¿Cuánto cuesta unviar SMS?

Unviar SMS tien un preciu de 12 centimos por SMS, IVA incluyíu y los internacionales 50 céntimos.

¿Ayudáisme a configurar el móvil?

¡Claro que si! La mayoría de dispositivos móviles configúrense automáticamente y otros necesiten que seyas tu quien los configure. En cuantes te llegue la tarxeta mandámoste tola información pa la configuración y tamién tienes esti enllaz p’ayudate.

¿Tengo permanencia?

Con Nordés Móvil nun tendrás nengún tipu d’atadures con permanencies de nengún tipu nes llinies de móvil. En fibra pa poder ufrite la instalación de baldre tenemos que pidite que tes con nós 12 meses.

¿Pueu camudar de tarifa y ye de baldre’l cambiu?

Sí, puedes cambiar de tarifa una vegada al mes y ye de baldre.

¿Qué significa tar “soxetu a usu responsable” nes llamaes illimitaes?

Les llamaes illimitaes que s’ufren nel serviciu de telefonía móvil dan serviciu sobradamente a un usu normal y grande de cualesquier usuariu particular. Pa evitar fraudes o usos comerciales, como por exemplu nun llocutoriu, un algoritmu informáticu controla que l’usu seya’l d’una persona. Nes nueses tarifes antigües de Movistar el máximu de minutos pue ser de 3000 o 6000 sigún la tarifa, consúltanos, nes de Vodafone de 6000 minutos al mes y nes d’Orange de 5000 minutos y un máximu de 150 destinos distintos al mes.

Si voi pal estranxeru ¿pueu usar el mio teléfonu?

Claro que sí, sólo tienes qu’avisanos p’activar el roaming. Recomendámoste que consultes les tarifes de roaming y los bonos qu’ufrimos.

¿Puedo tener buzón de voz y ye de baldre?

Puedes tener buzón de voz y ye de baldre.

¿Cómo entro nel mio buzón de voz?

Pa entrar nel to buzón de voz sólo tienes que llamar al 121.

¿Hai posibilidá de desvíos de llamaes y son de baldre?

Puedes tener desvíos de llamaes y son de baldre dientro’l territoriu del Estáu español.

Si voi al estranxeru ¿puedo usar el mio buzón de voz y los desvíos de llamaes?

Si, ensin nengún tipu de problema. Consúltanos les condiciones pa caltener el desvíu de llamaes nel estranxeru.

¿Pueu tener un gastu descontroláu na mio factura?

Non. Tolos clientes tienen por defectu un tope de gastu aprosimáu de 25€ sobre la so tarifa contratada. Esto ye así pa evitar posibles gastos en númberos de tarificación especial o cualaquier otru gastu col qu’el cliente nun contaba. Esi tope pue quitase o cambiase a petición del cliente. ¿Y qué quier dicir el “gastu aprosimáu”? Pues que si tas faciendo una llamada internacional nun se te va cortar anque’l so coste pasé de los 25€ nel momentu que la tas faciendo, pero tres la llamada llegarate l’avisu de que superasti’l gastu máximu.

¿Hai área de cliente pa ver consumos y factures?

Si, vas poder rexistrate nel área de cliente y poder ver los tos consumos y factures.